Халиф һарон Рашид бiр қарт адамның кiшкене жемiс ағашының шыбығын отырғызып жатқанын көрiп, оған:
- Атай, сiз ғой қартайдыңыз. Отырғызған ағашыңыздың жемiсiн көре алмайсыз, олай болса неге бейнеттенiп жатырсыз? - дейдi.
Қарт:
- Бiзден бұрынғылар ағаш отырғызды, жемiсiн бiз жедiк. Ендi бiз де отырғызайық, жемiсiн кейiнгiлер жесiн, - деп жауап бередi.
Һарон Рашид бұл жауапқа катты риза болып, қартқа бiр уыс алтын бередi. Қарт:
- Көрдiң бе, балам, бұл шыбықтың жемiсiн, мiне, мен де көрдiм, - дейдi. Одан сайын риза болған халиф тағы бiр уыс алтын берiп жүрiп кетiптi.
Авторы: Пернегүл Үсенова