Ит көп қарызданады. Қанша тырысқанмен ол қарыздарынан құтылар жол таба алмай дал болады. Оны көрген Ешкi досы:
- Сен өтiрiк жынды бола қал. Ақшасын сұрағандарға меңiреу күй кешiп, мағынасыз әупiлдей бер. Сонан соң олар: мына бишара жынданып кеткен екен, деп сенен үмiт үзедi.
Сөйтiп қиыншылықтан құтыласың, - дейдi. Ит дәл солай iстейдi. Бәрi түңiлiп, күдер үзiп кетедi. Бiр күнi Ешкi келiп:
- Менiң ақылыммен қанша қарызыңнан құтылдың. Ендi менен алған ақшаңды қайтара сал, - дейдi. Ит болса оған мәнсiз, мағынасыз «әуп, әуп!» дептi.
Бiреуге жаман нәрсе үйретуге болмайды екен. Күндердiң күнi өзiңе қиын соғады.
Авторы: Пернегүл Үсенова