Балаларға арналған діни әңгімелер, ғибратнама

Барлық мадақ әлемдердің Иесі бір Аллаға ғана лайық! Біз одан тура жол тілеп, дұрыс бағытқа нұсқауын жалбарынып тілейміз. Оған тәубе етіп, күнәларымызға жарылқау сұраймыз. Алланың атымен нәпсілеріміздің кәсапаттарынан, күнәларымыздың кері әсерлерінен сақтанамыз. Алла кімді туралыққа бастаса, оны ешкім де адастыра алмайды. Ал енді кімді адастырса оны ешкім де тура жолға сала алмайды. Мен Алладан басқа ешқандай құдайдың жоқ екендігіне және мырзамыз Мұхаммедтің Оның елшісі екендігіне куәлік етемін. Ардақты Пайғамбарымызға, оның әулеті мен сахабаларына Алла Тағаланың сансыз салауаты мен сәлемі болсын!

Расулуллаһ (Аллаһ Елшісі) (с.ғ.с.) Қағбаға жиі келіп намаз оқитын. Бір жолы ол намазға кіріскенде, Қағбаға оны жек көретін құрайыш көсемдері кіріп келеді.

Олардың басшысы Әбу Жаһил:

- Мұхаммедтің тым-тырыс намаз оқып жатқанын қарашы. Кәне біреуің барып түйенің ішектерін әкеліңдер! - деп әмір етеді. Біреуі тез мал соятын жерге барып жидіп кеткен ішектер алып келіп, Мұхаммед (с.ғ.с.) сәждеге бас қойғанда олар әлгі ішектерді басына үйе салады.

Ұлы Жаратушы әр замандарда адамдар арасына өз елшілерін жіберіп отырған. Олардың міндеті - адам баласы азғырушы Ібіліске еріп, тура жолдан адасып кетпеуі үшін, елге үгіт-насихат айту болды. Бұрыс істен тыйып, жәннатқа лайық жақсы амалдарға шақырды. Пайғамбарлардың соңғысы Мұхаммедке (с.ғ.с.) Һира үңгірінде Жебірейіл періште арқылы онын пайғамбар болғаны және атқаруы тиіс міндеті алғаш ескертілгенде ол Сафа тауына шығып, қауіп төнгендегі берілетін белгіні береді.

Бір кісі көп қиындықпен таудан отын теріп әкеледі екен, әйелі бәрін есепсіз жағып, қалған отынды сұрап келген елге таратып жіберетін көрінеді. Әйелінің бұл қылығына шыдай алмаған әлгі кісі бір жолы отын теруге әйелінде ала барыпты. Екеуі таңертеңнен кешке дейін жүріп екі бау отынды әзер жинапты. Оны арқалап ауылға жеткіземін дегенше әйелі қара терге түсіп, әбден шаршапты. Күйеуінің ауыр еңбегін сонда ғана түсінген ол содан былай отынды үнемдеп жағып, сұраншақ көршілеріне:

- Отын керек болса, өздерің таудан теріп әкеліңдер, күйеуімнің әкелгеніне қол тигізбеңдер, - деп қайтарып жіберетін болыпты.

Авторы: Пернегүл Үсенова

Бірде Осман мемлекетінің патшасы Фатих Сұлтан Мехмет тағамдардың сапасын және бағасын білу үшін киімін өзгертіп, базарға шығады. Бір дүкенге кіріп, сатушыға:

- Маған жарты келі май, жарты келі бал және жарты келі ірімшік беріңіз, - дейді.

Сатушы жарты келі май өлшеп, ақшасын есептеп болғаннан кейін:

- Аға, сұрағандарыңыздың қалғанын көршімнен алыңыз. Өйткені, оның заттары әрі жақсырақ, әрі көршім әрі ештеңе сатқан жоқ, - дейді.