Балаларға арналған діни әңгімелер, ғибратнама

Иманды бір мұсылман Меккеде болған кезінде шашы өсіп, өзінде қырынатын еш нәрсе болмағандықтан шаштаразға келеді.
Оның жүзінен жылылықты байқап: “Алланың разылығы үшін шашымды алып бересің бе?” - деп сұрайды. Ол: “Алланы сүйгендіктен, Оның ризашылығы үшін қайырымдылық жасайын," - дейді де орындыққа отырғызып, шашын алып береді. Одан соң қолына ораулы бір затты ұстатады. Оның ішінде біраз ақша бар еді. Ол оған: “Әй, бауырым, сен алыстан келіп, бөтен елде жүрген адамсың. Сенің халіңді түсінемін. Мына ақшаны ал, қажетіңе жаратарсың, дейді.

Омар ибн Абдулазиз ізгі халифалардың бесіншісіне жатады. Ол әділдігімен, тақуалығымен танылды. Оның халифалығы тұсында әділдігі соншалық, қасқыр мен қой бірге жүре беруші еді. Сол заманда бір мұсылман кісі жайылып жатқан қойлардың тұсынан өтіп бара жатып қойлардың қасында жайбарақат жүрген қасқырды көріп, қойшыдан оның мәнін сұрайды. Сонда қойшы: “Әй, бауырым, көріп тұрған бұл кереметің—халифаның әділдігінің дәлелі," - дейді.

Бір әңгіме бойынша Сүлеймен пайғамбар бір күні демалып отырған кезде кеудесінде жорғалап бара жатқан құмырсқаны алып лақтырып жібереді. Жәбірленген қүмырсқа ашуланып: “Әй, Алланың пайғамбары, сен маған аяушылық етпестен неге лақтырасың? Қиямет күні жер мен көктердің Иесі, жәбірленушінің ақысын зұлымдық етушіден алып беретін, әділдік иесі Алла Тағаланың алдында жауап беретіндігіңді ұмыттың ба?” - дейді. Құмырсқаның бұл сөзін естіген Сүлеймен пайғамбар есінен танып қалады. Сәлден соң есін жинап, қүмырсқадан кешірім сұрайды.

Бір әңгімеде біраз адамдардың кейбірінің Алланы қойып, өсіп тұрған ағашқа табына бастағаны туралы хикая баяндалады. Мұны естіген бір тақуа кісі оның адамға еш зарар келтіре алмайтын және ешкімді қорғай да алмайтын құр жансыз нәрсе екендігіне көздерін жеткізіп, құлшылық етуге лайық тек Алла Тағала ғана екенін ұқтыру үшін оны кесіп тастамаққа бекінеді. Сол кезде адам кейпіне енген шайтан одан: “Сен не істегелі тұрсың?” - деп сұрайды. Тақуа кісі: “Адамдардың Алла Тағаланы ұмытып, өздеріне Тәңір етіп алган ағашты шауып тастамақпын,” - дейді. Сонда шайтан: “Саған одан келер зиян не? Өз Тәңіріңді біліп, оған құлшылық ет те жүре бер. Оларда не шаруаң бар?” - дейді.

Құран Кәрімде Алла Тағала: “Расында Қарун Мусаның қауымынан еді де, оларға қарсы келді. Сондай-ақ, оған кілттерін күшті бір топ әрең көтеретін қазыналар берген едік,” - дейді (Қисас, 76). Алла Тағала өзінің кеңшілігімен оның ризығын молайтты да, ол өз саудасымен үлкен байлыққа ие болды. Сол байлықтың буына мастанып, жанды менсінбей, Аллаға да бойсұнбай өзіне разы күйде өмір кешіп жатты.
Құран Кәрімде айтылғандай, Қарунның қазына қоймаларының кілттерін мықты жігіттердің өздері жабылып көтере алмаушы еді. Ол ешкімге бағынбады. Мүмин туыстарының: "Өзіңе Алла Тағала берген байлыққа асып-таспа! Адамдарға үстемдік етпе! Көп адамға бермеген байлықты саған берген Құдайға шүкірлік ет!” - деген ақылдарына құлақ аспайды. “Бұл Алладан емес. Білімім мен өз жетістігімнің арқасы,” - деп дандайсыды.